Meskos ku den nos músika, Kòrsou tin un diversidat grandi di baile. Aki tambe e matrimonio di bailenan di salon oropeo i esnan di tribunan afrikanu a sirbi komo base pa nos propio bailenan folklóriko lokal.

Nos wals, mazurka, polka i dansa ta un kombinashon di baile estilo oropeo elegante i moveshon rítmiko afrikano.

Na CCC nos ta konsentrá spesialmente riba dunamentu di lès di baile folklóriko na mucha i adulto.

 

Den nos afan pa promové i preservá nos bailenan folklóriko pa nos futuro generashonnan, nos a diseñá un programa speshal pa preparashon di nos futuro dosentenan di baile.

E kursistanan ademas di ta haña lès di baile básiko ta haña tambe lès di historia di baile, trahe di bailenan tradishonal, músika, liderazgo i komunikashon. Ophetivo di e lèsnan aki ta pa e futuro dosentenan por forma nan propio gruponan di baile ku por duna un bon presentashon pa públiko.

 

Ademas despues ku nan graduá, por uza e dosentenan aki tambe pa duna lès den sentronan di bario, p'asina promové bailenan folkóriko.