Literatura

Meskos ku den nos músika i baile, den nos idioma natal Papiamentu tambe nos historia ta bibu bibu. E kolonisadónan hulandes, e Hudiunan ku a bini aki for di Brasil pa establesé nan mes i e katibunan Afrikanu mester tabatin un forma pa komuniká ku otro i asina huntu nan a krea un idioma melódiko riku di nos mes.

 

Ounke Hulandes ta e idioma ofisial na Kòrsou, Papiamentu ta fuertemente ankrá den nos bida diario.

Komo ku nos ta konsiderá Papiamentu un di e pilarnan di nos kultura i komo parti di nos ophetivo pa mehorá i promové uso di nos idioma, nos ta ofresé diferente kurso.

 

Papiamentu Básiko

Kursistanan ta siña kon Papiamentu a desaroyá i e maneranan korekto pa uza nos idioma.

 

Kontamentu di kuenta

Kursistanan ta siña e arte di konta kuenta na Papiamentu.

 

Melodia i Komposishon

Kursistanan ta siña komponé kantika i poesia na Papiamentu i kon ta agregá melodia na nan poesianan i kantikanan.